Ebe Zazaki ju perloda newiye | Piltan

Perloda Piltan de çı esto çı çino? Hetê zon u zagon ra çiye naskerdene ardene, sıiri, sanıki, nusnê fikri, adet u tori… Kam ke wazeno, na perlode bazarune gırso de şikino bıvino.

Viyana – Ebe Zazaki ju perloda newiye veciye na usar: Piltan! Na perlode, sebeta zon u zagon ame dina. Amorê juen de ni nuştoğ u sairo vineme: Haydar Şahin, Sevim Aydın, Pınar Özgül, Hawar Tornêcengi, Sait Çiya, Cengiz Aslan, Xıdır Eren, Mesut Asmên Keskin, Sinan Usar, Serkan Sarıtaş, Sinan Arêkêyi, Vedat Aldemir, Sa Heyder, Gule Mayera u Mehmet Tüzün. Kam ke wazeno, perloda Piltan kıtapxano bazarune gırso de şikino bıvino, wayir bo. Mesela İstamol de Kıtapxaneyi Mesphisto de (Taksim). Ya ki sıma şikine ju e-mail bınusne (hegaejan@gmail.com), her ju mare bıwazere edresê xo.

Perloda Piltan de çı esto çı çino? Hetê zon u zagon ra çiye naskerdene ardene, sıiri, sanıki, nusnê fikri, adet u tori… Xıdır Eren, ju malımo. Misal vacime, i, amorê veren de “biyayene” be “estbiyayne” ser ju nusne nusna. Hawar Tornêcengi, ju sanıke (Lüye be Kesa) nusne. Cengiz Aslani, waxtê domaneniya xora çiye barê kerdo. Sait Çiya, maa xo ser çiye ardo zon ver. Pınar Özgüle ju kılame nusna.

Kam ke Zazaki zoneno, şikino bıwano ya ki wazeno ke bımuso, bıwano, bınusno; ino perune re salıx dame: Na perloda newiye bıcere xo dest!

………………………………………………
Bınusne: hegaejan@gmail.com

Vielleicht gefällt dir auch